Fin tur til Blåskavlen (Skrevet av agnar 15.08.2007) Tur foretatt: August 2007. Låg i telt ved Hornsvatnet, og start på turen 06.30., med litt skodde på toppane. Snøen opp mot Hornsnipa var hard så tidleg, så eg klatra opp ein hammar i den første stigninga. Lett og fin tur vestover mot toppen. Breen som er inntegna på kartet har minka mykje, så ein treng nesten ikkje gå ut på den. Været vart etterkvart lettare, og fin utsikt frå toppen. 11 reinsbukkar kom opp på breen medan eg sat på toppen. Eit par timar seinare, ved Hornsnipa, passerte dei på 50 m avstand. Var ein tur opp på toppen av Hornsnipa på tilbakevegen. Tilbake til Aurland
