Ny bruker
Logg inn
 
Kommunetopper (430)
Fylkestopper (19)
2000m (129/228)
Øytopper (400)
Siste rapporter
Siste bilder
Topplister
 
Høyåsen
140 m
Vestby
Akershus
Flatt men fint
(Skrevet av hansn 08.07.2011)

Tur foretatt: Juli 2011.

Alle som ikkje er kommunetoppsamlarar vil vel beskriva dette som ein skogstur, ikkje som ein topptur... :-) Men fin liten søndagstur er det. Passar fint med små barn.

Utgangspunkt: Parkerte i kryss i Hauerveien, vis a vis nr 8 i vegen som er innkjøring til blant anna nr 53. Ein ser ei innhegning for hestar like inn i vegen. Det var ikkje skilta parkering der men eg satsa på at sjølv parkeringsvakter var i godt humør i den fine sommerkvelden.

Vegbeskrivelse:
Gjekk eit par hundre meter innover Hauerveien (vekk frå Erikstadveien). Vegen svingar til venstre, og når den svingar til høgre igjen så tar stien av til venstre ved ei åpning i skogen. GPS her: 32V 0595698 - 6606077. Det var ikkje mogeleg å parkera her då det var sperra med tømmerstokkar i vegkanten.

Fulgte flott ridesti innover i skogen. To stiskiller kjem tett i tett - hald venstre og høgre, i praksis rett fram.

Det tek ikkje lang tid før ein kjem til den gamle husmannsplassen Stockholm. Dei gamle murane er gjengrodde og ikkje synlege før ein kjem tett på, men plassen er stor og åpen så det er lett å vita når ein er der. Her var det vanskeleg å sjå stien på grunn av høgt gras, men enkelt sagt skal ein her kryssa diagonalt oppover (mot venstre). Ein kjem då inn på tydeleg raudmerka sti. Denne følgjer ein til det er skilta til "Utsikten" - eit lite berg til høgre for stien.

Toppen er markert med ein stein på berget. Nokon må ha hatt det litt moro med å kalla dette for Utsikten, sjølv om ein relativt til i resten av skogen ser litt mer ut i den store verda herifrå.

Ikkje den store utfordringa, men ein fin rusletur i flott skog, det vart det.

GPS på toppen: 32V 0595377 - 6605330


Tilbake til Vestby






 
© World Wide Vikings  -  E-post: firmapost@wwv.no - Webdesign av Frode Høgset